Ferizaj ka fituar 1-0 në shtëpi ndaj Trepçës ’89 në kuadër të javës së 34-të në Albi Mall Superligën e Kosovës.
Vendasit e nisën më mirë ndeshjen, duke rrezikuar në disa raste skuadrën nga Mitrovica.
Por, edhe mysafirët kishin rastet e tyre, mirëpo nuk ia dolën t’i konkretizonin ato.
Pjesa e dytë pati një skenar më ndryshe, duke u shënuar më pas edhe goli.
Ishte minuta e 54-të e takimit, kur Ferizaj kaloi në epërsi me golin e Albin Krasniqit.
Ferizaj mund të kiste thelluar edhe më shumë rezultatin, por t’i konvertonte rastet në gola.
Pas javës së 34-të, Ferizaj gjendet në vendin e tetë me 38 pikë, një më shumë se Trepça ’89 që është në të nëntin.
