Presidenti i Serbisë, Aleksandar Vuçiq, tha se mund të takohet me opozitën dhe se më 26 maj në Kuvendin e SNS-së do të shpallë nëse do të ketë zgjedhje, më së voni në shtator.
“Por ne mund t’ju takojmë, të zëvendësojmë të gjithë qeverinë dhe pastaj të shkojmë në zgjedhje. Por për këtë prisni deri më 26 maj. Këtu, po ju them, nuk do të bëni asgjë me dhunë dhe për sa i përket demokracisë jam gati ta përballoj. S’ka problem, po informoj popullin me 26 maj, shkojmë në zgjedhje. Zgjedhjet më së voni në shtator dhe nuk ka filozofi, zgjedhje në shtator”, tha ai.
Vuçiq tha se mund të flasë për anulimin e reality show-ve, por atëherë do të duhet të anulohen të gjitha reality show-t.“Shpresoja, nuk e mendoja se do të flisnim për këtë sot, sepse e gjithë bota po flet për të: nga Gurdian te Times, të gjithë po flasin për veprimin unik dhe fantastik që ka ndërmarrë Serbia.
Kam detyrim të respektoj çdo tubim, ku mblidhen 5, 10 e më shumë mijë njerëz, siç ishte në dy protestat e fundit. Unë nuk bëj dallime mes qytetarëve, është e imja t’u kushtoj vëmendje kërkesave të tyre dhe të shohim se çfarë mund të bëjmë dhe bëjmë. Nga kërkesa për të pasur më pak dhunë po marrim masa. Këto janë masa shumë serioze… Për kërkesat politike, nuk besoj se i di askush dhe nuk mendoj se mund të diskutohet në rrugë. Ju dëshironi të flisni për reality show, mirë. Por nëse reality show anulohet, atëherë do të anulohet kudo. Ose nuk do të ketë dhunë kudo, por kjo duhet të diskutohet”, tha Vuçiq në Smederevë.
