Këtë vit shënohet 15 vjetori i partneritetit Kosovë-Holandë. 15 vite partneritet, marrëdhënie të forta dhe miqësi vazhdojnë të rriten.
Ambasadorja e Holandës në Kosovë, Carin Lobbezoo bëri me dije se në kuadër të këtij përvjetori do të ketë disa aktivitete të ndryshme në Kosovë. Ajo tha se për ta shënuar këtë, gjatë një programi njëjavor, shikojnë së bashku të ardhmen tonë të përbashkët.
Sipas saj, kosovarët holandezë dhe kosovarët që kanë jetuar, punuar ose studiuar në Holandë do të ndajnë pikëpamjet e tyre për të ardhmen.
“Ne synojmë të paraqesim shembuj frymëzues për të rinjtë kosovarë, të ndajmë praktikat më të mira dhe të japim një pasqyrë të vogël në kulturën holandeze”, tha ajo për RTK.
Diplomatja holandeze foli edhe për të ardhmen dhe bashkëpunimin mes dy vendeve. “Jam shumë optimiste për të ardhmen dhe bashkëpunimin Kosovë-Holandë”, deklaroi ajo. Lobbezoo ka përmendur shembujt e suksesshëm të kosovarëve që jetojnë në Holandë.
Ajo ka folur edhe për modelin që ka Holanda, si p.sh përdorimin e biçikletave që atje është shumë prezentë.
