Kryeministri i Republikës së Kosovës, Albin Kurti, sot në konferencën “Diaspora Flet” , tha se diaspora është shumë me rëndësi për Kosovën.
“Diaspora shqiptare ka luajtur rol dhe vazhdon të ketë një rëndësi të jashtëzakonshme për zhvillimin ekonomik social dhe politik të Kosovës, kontributi i diasporës ndihet në gjithë sektorët, nga sipërmarrjet dhe investimet deri te transferimi i njohurive dhe filantropia. Me anë të punës suaj të palodhur dhe përkushtimit të pandërprerë për të ardhmen e përbashkët. Diaspora moti është pasuri e çmuar e kombit tonë”, tha ai.
Kurti tha se e njohin mirë rolin dhe rëndësinë e angazhimit të diasporës në Kosovë, por edhe e vlerëson shumë potencial e saj si një nga burimet kryesore për zhvillim.
“Jemi të përkushtuar në punën tonë ditore për të zbatuar politika të cilat e ndërlidhin rolin e diasporës, jo vetëm si një pjesë e rëndësishme e identitetit tonë, por edhe si një forcë e jashtëzakonshme për ndryshime të cilat kanë filluar të marrin formë në Republikën e Kosovës”, tha ai.
Sipas tij në përputhje me këtë angazhim qysh në fillim kanë promovuar dialogun me mërgatën si platformë për të diskutuar mundësitë sfidat dhe kërkesat që kanë bashkatdhetarët tanë në të gjitha këndet e kohës dhe se brenda dyvjeçarit e katër të mandatit qeverisës, kanë arritur të përfshihet në diskutim mbi njëzet qendra kryesore ku jeton dhe vepron mërgata.
“Gjithashtu jemi angazhuar për të ofruar mënyra inovative për të përfshirë diasporën në proceset e hartimit të politikave duke u bërë pjesëmarrës aktiv në jetën e përditshme të vendit tonë”, tha ai.
Shefi i ekzekutivit tha se janë drejt finalizimit të kornizës ligjore e cila reflekton vlerësimin e qeverisë të thellë për kontributin e diasporës dhe me ligjin e ri për zgjedhjet e përgjithshme do t’i japin fund një padrejtësie e të gjatë ndaj mërgatës për sa i përket votimit.
“Po e përmbushim përfundimisht edhe një zotim tonë ai parasheh që mërgata të ketë lehtësim real të shprehjes së vullnetit të tyre politik teksa ambasadat dhe konsullatat e republikës gjatë zgjedhjeve do të shndërrohen në qendrën votimi”, tha Kurti. /Kosovatimes/
