Politikania dhe veprimtaria e njohur Luljeta Pula Beqiri, ka vendosur që të hedhë të dhënat e helmimit në vitet e ’90 nga regjimi i Slobodan Milosheviqit në një libër që është duke e përgatitur. Me këtë rast ajo u bëri thirrje të gjithë të prekurve nga helmimet e asaj kohe t’ia dërgojnë dëshmitë me shkrim për përvojën e helmimit.
“Do të ishte i mirëseardhur edhe çfarëdo dokumenti shtese relevant, si historia e sëmundjes ose çfarëdo dokumenti tjetër përkatës. Dëshmitë tuaja do t’i jepnin autenticitetin librit dhe vërtetësi të dëshmuar helmimeve, te cilat tanimë janë vërtetuar me ekzaminime mjekësore te shume autoriteteve mjekësore ndërkombëtare”, theksoi znj. Pula në thirrjen e saj.
Sipas saj librin përveç në gjuhën shqipe do ta publikojë edhe në gjuhën serb për publikun serb.
“Dua te besoj se ky do te jete fillimi i mbledhjes se dokumentacionit relevant , qe një dite nga organet tona shtetërore te ngritët padia kundër shtetit jugosllav ne Komisionin Ndërkombëtar të Hagës për lufte kimike dhe biologjike për helmimet e nxënësve ne Kosove. Krimi nuk vjetërsohet dhe helmimet ishin hyrje ne gjenocidin qe Serbia do e bënte me vonë në Kosove”, tha ajo duke njoftuar se dëshmitë secili mund t’i dërgojë në adresën e saj private ne fb. /Kosovatimes/
