Autoritetet belge kanë ulur moshën minimale për të votuar në zgjedhjet për Parlamentin Evropian në 16 vjeç.
Anneliese Verlinden, Ministre e Brendshme belge, iu drejtua të rinjve: Duke ulur kufirin e moshës, po dërgojmë një mesazh të qartë. Ne duam të dëgjojmë zërat dhe mendimet tuaja në mënyrë që ato të merren parasysh”.
Rreth 280,000 të rinj belgë do të kenë mundësinë të thonë fjalën e tyre në nivel evropian vitin e ardhshëm. Por ndryshe nga të rriturit, që futen automatikisht në listën e zgjedhësve, të miturit që duan të votojnë do të duhet të regjistrohen paraprakisht.
Belgjika është bërë vendi i katërt në BE pas Maltës, Gjermanisë dhe Austrisë që lejon votimin nga mosha 16-vjeçare, raportoi Euronews.
