Uashingtoni dhe Brukseli kanë shtuar përpjekjet për të ndihmuar në zgjidhjen e mosmarrëveshjes Kosovë-Serbi, nga frika e paqëndrueshmërisë së mëtejshme në Evropë, ndërsa lufta në Ukrainë është ndezur.
Senatori amerikan, Chris Murphy, në vizitën e tij në Beograd, tha se shpreson që Serbia të miratojë sanksione perëndimore kundër Rusisë për shkak të invadimit të Ukrainës, duke i thënë vendit ballkanik se “nuk ka të ardhme” në një aleancë me Moskën.
“Pushtimi i Rusisë ndaj Ukrainës ka qenë një fatkeqësi absolute dhe besimi im është se Rusia përfundimisht do ta humbasë këtëluftë,” u tha senatori Chris Murphy gazetarëve në kryeqytetin serb Beograd, njofton AP.
“E ardhmja e Serbisë është me Bashkimin Evropian dhe me Shtetet e Bashkuara jo me Rusinë,” tha Murphy, duke shtuar se “nuk ka të ardhme me Rusinë.
Megjithëse Serbia po kërkon zyrtarisht anëtarësimin në BE dhe e ka dënuar pushtimin në Kombet e Bashkuara, Beogradi ka ruajtur marrëdhëniet e tij historikisht miqësore me Moskën.
Vizita e Murphy-t në Beograd erdhi, ndërsa shefi i inteligjencës pro-ruse i Serbisë Aleksandar Vulin udhëtoi për në Moskë për një konferencë sigurie. Serbia është gjithashtu një nga vendet e pakta me lidhje direkte ajrore me qytetet ruse dhe është, pothuajse, plotësisht e varur nga Rusia për furnizimet me energji.
I pyetur për vizitën e Vulin në Rusi, Murphy u përgjigj se “natyrisht Rusia po kërkon miq këto ditë”, por se nuk është “konstruktive” për asnjë komb të qëndrojë pranë Presidentit rus Vladimir Putin.
“Ajo që Rusia ka bërë në Ukrainë është e papranueshme,” tha Murphy. “Unë me të vërtetë shpresoj se e ardhmja e Serbisë është me Bashkimin Evropian, ajo është e lidhur me Shtetet e Bashkuara dhe sa më shpejt të kemi një përafrim më të mirë, më të ngushtë me politikën e Rusisë, aq më mirë”, tha senarori Murphy.Murphy, së bashku me senatorin Gary Peters. u takua në Beograd me presidentin e Serbisë Aleksandar Vuçiq dhe kryeministren Ana Brnabiq. Takimet u fokusuan edhe në përpjekjet perëndimore për të çuar përpara normalizimin e marrëdhënieve ndërmjet Serbisë dhe Kosovës.
Vizita njëjavore e senatorëve në rajon pati edhe vizita në Kosovë, Shqipëri, Mal të Zi dhe Maqedoninë e Veriut.
