Deputetja e PDK-së, Ariana Musliu Shoshi, ka kërkuar nga ministrja e diplomacisë të jap dorëheqje.
Ky reagim i saj përmes profilit te saj ne facebook erdhi pas njoftimit të Prokurorisë e cila ka ngritur aktakuzë për mos deklarim të pasurisë.
“Ministrja e skandaleve ka qenë e suksesshme vetëm në tri gjëra: Terrorizimin e stafit të MPJD-së; De-funksionalizimin e Shërbimit të Jashtëm dhe krijimin e skandaleve të njëpasnjëshme. Tashmë kur ndaj saj edhe është ngritur aktakuza, ministrja e skandaleve duhet ta ndërmarrë veprimin e vetëm që është dashur ta ndërmarrë përgjatë këtyre dy viteve të fundit: dorëheqjen e menjëhershme e të parevokueshme!’, ka shkruar Shoshi. /Kosovatimes/
