I pranishëm në seancën e Kuvendit të Kosovës ku me 86 vota për, deputetët kaluan në lexim të parë, Projektligjin për Zgjedhjet e Përgjithshme në vend, ishte dhe kryeministri Albin Kurti.
Ky i fundit tha se me këtë projektligj, do t’i dilet hakut mërgimtarëve. “Përkundër vështirësive nuk hoqën dorë për ta shprehur vullnetin e tyre politik”, tha ai, duke rikujtuar edhe “vjedhjen industriale të votave” që sipas tij, kanë ndodhur në të kaluarën.
Ai konsideroi se kjo është një nga çështjet më të rëndësishme që rregullon ky projektligj.
Sipas tij, me këtë projektligj, rregullohet regjistrimi i votuesve jashtë vendit, mënyra e votimit jashtë vendit, e drejtën e votës, numërimi i votave dhe mbështetja financiare shtesë për partitë që krijojnë hapësirë më të madhe për deputet gra sa është kuota e përcaktuar.
“Pjesëmarrja e mërgatës në proceset zgjedhore dhe vështirësitë e tyre në realizimin e kësaj të drejte janë arsye për këto ndryshime që tani mundësojnë që ata të marrin pjesë”, tha kryeministri Kurti.
“Si kryeministër i vendit shpreh kënaqësinë dhe falënderimin për të përfunduar këtë proces. Falënderoj partitë politike për pajtueshmërinë për ndryshimet e bërë. Falënderoj miqtë ndërkombëtar”, deklaroi Kurti, duke rikujtaurs e përpjekjet për reformë zgjedhore patën filluar menjëherë pas zgjedhjeve parlamentare 2010, që u cilësuan nga misionet e ndryshme si vjedhje industriale të votave.
Projektligji i ri e parasheh regjistrimin online.
