Zëdhënësi i Bashkimit Evropian, Peter Stano, ka deklaruar se Bashkimi Evropian në pajtim me 27 shtete anëtare ka vendosur që të ndërmarrë masa ndëshkuese ndaj Kosovës.
Kjo sipas tij, për shkak të mos bashkëpunimit të kryeministrit të Kosovës, Albin Kurti.
Këto masa siç potencoi Stano janë të përkohshme dhe me mundësi largimi.
Në një konferencë për media, Stano ka thënë se Kurti deri tani ka dështuar të bëjë hapa dhe aksione për de-eskalim.
Lidhur me propozimin pesëpikësh për daljen nga situata e tensionuar në veri, Stano ka thënë se ndonëse janë adresuar këto pesë pika por Kurti siç thotë Stano nuk adresoi elementet kryesore.
“Kurti deri tani ka dështuar të bëjë hapa dhe aksione për de-eskalim. Ai ka propozuar pesë pika, por ai nuk adreson elementet kryesore dhe të cilat ne e presim t’i adresojë urgjentisht. BE-ja ka përgatitur propozim me masa me efekt të menjëhershëm, këto nuk janë sanksione, këto janë masat që merren menjëherë. Shtetet anëtare kanë mbështetur një seri masash. Këto janë konsekuenca politike, ndalje e takimeve të nivelit të lartë dhe gjithashtu masa financiare. Këto masa janë të përkohshme dhe me mundësi largimi, varësisht nga hapat që merr qeveria e Kurtit”, ka thënë Stano.
Ndryshe, këto pesë pika, Kurti ka thënë se ua ka propozuar ambasadorëve të shteteve të QUINT-it, ambasadorit të ShBA-së, në Kosovë, Jeff Hovenier dhe emisarëve Mirosllav Lajçak dhe Josep Borrell. /Kosovatimes/
