Shkruan: Naza KRASNIQI
“Izolimi” i Kosovës nëse ndodh nuk duhet të na bie befasi për ata që së paku kuptojnë politikën ditore në vende. E them këtë më përgjegjësi të plotë morale dhe profesionale, se Albin Kurti karrierën e ka filluar dhe e ka ndërtuar me kundërshtimin e Zajednicës, pikërisht me 14 shkurt 2021 e ka konfirmuar me plebishitin popullor prej 51%, këtë plebishit popullor Albin Kurti e ka arritur me politikën e tij popullore duke zotuar se me mua kryeministër vdes zajednica, me mua kryeministër nuk njohim presion ndërkombëtar, me mua kryeministër nuk ka dialog me Serbin, por me serb lokal etj.
Pikërisht sot Albin Kurti është kryeministër, kemi gjendje të tensionuar me Serbinë, presioni ndërkombëtare ndaj Kurtit që mos merr veprime të pakoordinuara, ta themelojë Zajednicën ose në të kundërtën do vendosim sanksione, pra jemi në një situatë të ndërlikuar pa mbështetje të ndërkombëtareve.
Andaj nuk duhet ti befasoj as vendoret e as ndërkombëtaret, sepse në këtë rast Albin Kurti, veç po e realizon premtimin e zotuar për 15 vite sa ishte në opozitë. Të gjithë kemi qenë të vetëdijshëm se premtimet e fushatës opozitare të Albin Kurtit një ditë do të na vendos në këto situata, të gjithë ata që kanë votuar dhe ankohen sot është dashur të dëgjojnë me vëmendje dhe të mendojnë mirë para se të vendosin për të votuar, sepse askush nuk duhet të hyj në lojëra dhe në paragjykime se këto mesazhe janë vetëm për ti fituar vota në opozitë. Plebishiti i 14 shkurti 2021 për Albin Kurtin, do vazhdoj të qëndroj edhe gjatë, sepse është ligjore dhe legale, por fatkeqësia më e madhe dhe me pasoja fatale është se nuk ka kundërshtar të përballueshëm nga oborri opozitar që ka dëshirë të jetë përball një procesit zgjedhor të mundshëm. Fatkeqësi qëndron se për 2 vite e gjysmë në pushtet Albin Kurti, me gjithë këto kauza që e kane përcjellë si në aspektin e krizës së covid 19, inflacionit, krizës globale për arsye të luftës në Ukrainë, papunësisë, ikjes së të rinjve jashtë shtetit, opozita nuk ka qenë në gjendje të krijoj një kauzë të vetme prej të gjitha krizave.
Në këtë finale është Kurti, a do të jetë ky lider që do ja vendos flamurin e fitoreve përfundimtare me fitoren e luftës politike ndaj Serbisë, apo do jetë lideri, që të jep autogolin e parë dhe final të Republikës së Kosovës dhe do ia mundësoj Serbisë, me apo pa presion ndërkombëtar, fitoren e parë të luftës politike ndaj Kosovës pas shumë e shumë betejave të humbura politike dhe ushtarake, që prej 1999 e këndej, mbetet të shihet në ditët në vazhdim!
Kjo është e vërteta nëse e shikon kronologjinë Albin Kurit, po e mbanë një premtim……!
