Shqipëria bën me zemër miliona tifozë kuqezi në çdo cep të planetit, por në fund del me 3 pikë jetike nga transferta e komplikuar e Ishujve Faroe ku mund të kishte bërë një hap fals. Fitojmë 3-1 por sa shumë vuajtje dhe një mal me raste të shpërdoruara përballë portës së rivaleve nga vendi modest me diçka më shumë se 54 mijë banorë.
Ndeshja nisi me dy surpriza, Seferin në vend të Uzunit dhe Asllanin që zuri vendin e Bares krahasuar me sfidën e Tiranës. Minuta që nisën menjëherë me një gol të anuluar të Cikalleshit për pozicion jashtë loje por pjesa e parë mbyll në barazim 1-1 pjesa e parë ku vendasit barazuan në sekondat e fundit me një top nga goditja e dënimit që gjeti kokën e Faero.
Ndeshja u zhbllokua në minutën e 20 me autor Bajramin ndërsa Cikalleshi gaboi një 11-metërsh dhe shpërdoroi të paktën dy raste të pastra për të thelluar avantazhin.
Nuk ishte i qetë qendërsulmuesi nga Kavaja dukshëm i nervozuar edhe nga penalltia e gabuar që mund ta kishte bërë trajnerin Sylvinho të ishte më i qetë në stol.
Me rikthimin e skuadrave në fushën e lojës, vendasit e drejtuar nga trajneri Erikson rrezikuan madje të kalonin në avantazh por Shqipëria u rikthye me një tentativë të Asanit që iu mohua golit por shenjestrën e sulmuesit e korrigjoi një mesfushor pak sekonda më vonë.
Kristjan Asllani shënon ndoshta golin më të bukur të karrierës. Në minutën e 50, mesfushori shqiptar i Interit me të majtën e ndal topin në rrjetë pas një finalizimi kirurgjikal. Kjo ishte tentativa e katërt e mesfushorit kuqezi nga jashtë zonës dhe për fat të mirë, ai arriti që ta kalibronte të majtën e tij në mënyrën e duhur.
Rastin e artë e kishte në këmbë edhe Taulant Seferi i pasaktë pas asistit të Cikalleshit ndërsa me kalimin e minitave Shqipëria u bë më hermetike ndërsa Uzuni zuri vendin e sulmuesit kavajas në vështirësi.
Më pas sërish Seferi dhe Mitaj e Mehmeti ishin të pasaktë por ndeshja nuk u kompromentua nga këto dy raste pasi Muçi mbylli ndeshjen dhe Shqipëria largohet me llogarinë plot nga ndalesat e qershorit duke parakaluar Poloninë që në mënyrë të pabesueshme humbi Moldavi 3-2 edhe pse kryesonte me 2 gola.
Shqipëria është e vetme në vendin e dytë të grupit E me 6 pikë, momentalisht përpara skuadrës së Lewandowski-t që ndjek me 3. Republika Çeke në Pragë do ta presë skuadrën kuqezi në shtator për një sfidë që do të vlejë vendin e parë të këtij grupi.
