Kryetari i AAK-së, Ramush Haradinaj, gjatë seancës së sotme, ka kërkuar nga PDK e LDK përgjigje se pse nuk po e përkrahin mocionin e mosbesimit.
“Ku e keni problemin të gjithë ju që hezitoni për mocion? A është e vërtetë që kemi humbur besimin e institucioneve euroatlantike, a është e vërtetë që kanë filluar ndëshkimet dhe a është e vërtetë që jemi duke u dobësuar? Pse nuk po keni guxim secili me dalë më thënë, po e votoj mocionin. Çfarë është duke ndodhur te opozita ju lutem, ku e keni problemin kolegë opozitarë, PDK dhe LDK? Pse po mendoni ende se kush përfiton nga mocion? Vetëm një përfitues është, Kosova dhe interesi ynë”, ka thënë Haradinaj.
Sipas Haradinajt, ndëshkimet ndaj Kosovës tashmë kanë filluar. /Kosovatimes/
