Ministria e Punëve të Brendshme ka reaguar lidhur me sulmin me mjet shpërthyes në veri të Mitrovicës. Ministria njofton se janë duke vazhduar sulmet terroriste ndaj institucioneve shtetërore në atë pjesë, ku ndërtesa e Komunës së Mitrovicës së Veriut është sulmuar me mjet shpërthyes, që sipas ekspertizës, dyshohet të jetë granatë dore.
Në njoftim thuhet se nga ky akt kriminal janë dëmtuar edhe dy vetura zyrtare që gjendeshin pranë objektit.
Policia e Kosovës ka marrë masat e menjëhershme për hetimin e rastit dhe identifikimin e autorëve.
