Lajmi se ikona e popit Madonna u shtrua me urgjencë në spital bëri jehonë në mediat botërore . Arsyeja për të shkuar në spital është një infeksion i rëndë.
Menaxheri dhe producenti i këngëtares, Guy Oziri, ka bërë të ditur për publikun se ajo aktualisht ndodhet në terapi intensive.
– Të shtunën, më 24 qershor, Madonna u infektua me një infeksion bakterial, për këtë arsye u shtrua në terapi intensive – shkruan menaxheri i saj dhe shtoi:
– Shëndeti i saj është duke u përmirësuar, por ajo është ende nën kujdesin mjekësor – tha Guy dhe njoftoi se të gjitha angazhimet dhe koncertet janë anuluar deri në një njoftim të dytë.
Madonna është planifikuar të fillojë një turne botëror muajin e ardhshëm për të shënuar 40 vjet në karrierën e saj. Megjithatë, tani gjithçka është e pasigurt për shkak të një problemi të ri me shëndetin e saj.
– Detajet do t’i ndajmë me ju sapo t’i kemi, përfshirë edhe datat e reja të koncerteve – ka shkruar Guy Oziri në njoftim.
