Ministri i Jashtëm i Maqedonisë së Veriut, Bujar Osmani, ka thënë se Kosova s’duhet të veprojë njëjtë siç ka vepruar shteti i tij për sa i përket marrëveshjes me Greqinë para 20 vitesh.
Osani tha se Maqedonia e Veriut ka humbur mundësinë para 20 vitesh për të qenë pjesë e Bashkimit Evropian.
“Maqedonia e Veriut para 20 vitesh në raport me Greqinë duke menduar se ne jemi në të drejtë tentuam ta bindim botën se ne jemi në të drejtë dhe Greqia është gabim dhe nuk pranonim një marrëveshje për ulje në tavolinë”.
“Humbën 20 vite, humbëm një gjeneratë që ikën nga Maqedonia e Veriut dhe nuk e di nëse do kthehen më, humbëm shansin që të jemi pjesë e BE bashkë me Slloveninë dhe Kroacinë asaj kohe dhe përsëri u ulëm me Greqinë dhe gjetëm një zgjidhje që është më e vështirë sesa ofertat që kishim para 20 vitesh”, tha Osmani për Euronews Albania.
Ai i sugjeroi Kosovës që të mësojnë nga shembulli i Maqedonisë së Veriut dhe të mos përsëritet gabimi i tyre.
