Presidenti i Bjellorusisë, Aleksandër Lukashenko zbuloi se shefi i Wagner, Yevgeny Prigozhin nuk është në vendin e tij.
“Sa për Yevgeny Prigozhin, ai është në Shën Petersburg… Ku është ai sot në mëngjes? Ndoshta ai shkoi në Moskë”, tha udhëheqësi bjellorus.
Në të njëjtën kohë, Lukashenko vuri në dukje se luftëtarët e Wagner janë në kampet e tyre për shërim.
“Me sa u informova sot në mëngjes, luftëtarët e Wagner janë në kampet e tyre.” Në kampet e përhershme, ku ndodheshin pasi u tërhoqën nga fronti për shërim”, tha Lukashenko.
Kujtojmë se pas rebelimit të fundit të Wagnerit të udhëhequr nga Yevgeny Prigozhin, u njoftua se ai vendosi të ndalonte marshimin drejt Moskës, me ndërmjetësimin e Aleksandër Lukashenkos.Sipas marrëveshjes që u arrit, Prigozhin duhej të kalonte në Bjellorusi, si dhe luftëtarët e tij, të cilëve iu dhanë kampe në këtë vend.
