Objekti i Presidencës, Kuvendit dhe ai i Qeverisë janë ndriçuar me simbolin e “Lules së Srebrenicës”, të martën.
Në Ditën e Përkujtimit të Gjenocidit në Srebrenicë janë kujtuar të gjithë viktimat që janë masakruar nga forcat serbe.
“Ndriçimi i objektit të Presidencës dhe Kuvendit të Republikës së Kosovës në Ditën e Përkujtimit të Gjenocidit në Srebrenicë”, thuhet në njoftimin e Presidencës.
Kurse nga Zyra e Kryeministrit është thënë se po kujtohet një prej masakrave më makabre të ndodhura në Evropë pas Luftës së Dytë Botërore.
“Në 28-vjetorin e gjenocidit në Srebrenicë të Bosnjës, përkujtojmë të gjithë burrat e djemtë boshnjakë, të masakruar pamëshirshëm nga forcat e Serbisë. Kujtojmë një prej masakrave më makabre të ndodhur në Evropën e pas Luftës së Dytë Botërore. I përjetshëm qoftë kujtimi i viktimave të gjenocidit në Srebrenicë”, thuhet në njoftimin e Qeverisë. /Kosovatimes/
