Ish-presidenti rus Dmitry Medvedev tha se rritja e ndihmës ushtarake të NATO-s për Ukrainën e bën Luftën e Tretë Botërore më afër.
Duke komentuar ditën e parë të samitit të NATO-s në Vilnius, Lituani, ku shumë vende premtuan më shumë armë dhe mbështetje financiare për Ukrainën, Medvedev tha se ndihma nuk do ta pengonte Rusinë nga arritja e qëllimeve të saj në Ukrainë.
“Perëndimi krejtësisht i çmendur nuk mund të dilte me asgjë tjetër (…) Në fakt, është një rrugë pa krye. Lufta e Tretë Botërore po afrohet”, ka shkruar Medvedev në platformën e komunikimit Telegram.
“Çfarë do të thotë e gjithë kjo për ne? Gjithçka është e qartë. Operacioni special ushtarak do të vazhdojë me të njëjtat qëllime”, shtoi Medvedev.
Reuters na kujton se gjatë mandatit të tij presidencial nga viti 2008 deri në vitin 2012, Medvedev u paraqit si një modernizues liberal, ndërkohë që aktualisht ushqen rojen e një “skifteri” të ashpër antiperëndimor nga Kremlini.
