Përmbytjet katastrofike nëpër botë po nxisin paralajmërime për intensifikimin e krizës klimatike, teksa komunitetet po i vuajnë pasojat e motit ekstrem të korrikut.
Shirat e rrëmbyeshëm kanë vërshuar shtëpi dhe kanë shkaktuar dëme të gjera në luginën e Hadsonit, në Nju-Jork, përderisa në Kinë mijëra njerëz janë zhvendosur nga shtëpitë e tyre.
Në Spanjë, njerëzit janë parë duke u kapur pas automjeteve dhe pemëve, për t’i ikur ujërave vërshues; ndërsa shteti verior i Hishamal Pradeshit në Indi, ku rrëshqitjet fatale të dheut bllokuan rreth 700 rrugë, përmbytjet shkatërruan një urë dhe mbushën rrugët plot rrënoja.
