Edhe gjatë kësaj fundjave mbi vendin tonë do të vazhdojë të mbretërojë mot me vapë të madhe.
Sipas Institutit Hidrometeorologjik të Kosovës të shtunën do të mbajë mot me diell dhe vranësira të pakta, kryesisht rreth relievit malor. Temperaturat minimale do të lëvizin ndërmjet 14-18 gradë celsius, ndërsa maksimalet e ditës parashihen të lëvizin ndërmjet 31-34 gradë celsius.
Edhe të dielën moti kryesisht do të jetë me diell dhe me vapë. Në fushat termike parashihen rritje kryesisht në vlerat e temperaturave maksimale. Minimalet do të lëvizin ndërmjet 15-18 gradë celsius, ndërsa maksimalet e ditës parashihen të lëvizin ndërmjet 33-36 grad celsius.
“Gjatë këtyre dy ditëve të vikendit do të fryjë erë e lehtë deri mesatare nga drejtimi i veriperëndimit. Kujdes nga rrezet direkte të diellit, për shkak të indeksit UV të lartë. Respektoni këshillat e IKShP-së”, thuhet në njoftimin e IHK-së.
