Kevin Costner po akuzon ish-gruan e tij, Christine Baumgartner, se e kishte vjedhur atë me blerje të shtrenjta, para ndarjes së tyre.
Aktori i “Yellowstone” pretendon se ish-i i tij bleu sende personale dhe mori para me karta krediti nga stafi që drejton shtëpinë e familjes – dhe ai beson se ajo e kishte hartuar këtë plan përpara se të paraqiste kërkesën për divorc në maj.
Në dokumentet gjyqësore të marra nga Page Six, Costner tha se ish-gruaja “ka treguar një prirje shqetësuese në muajt e fundit, si para dhe pas ndarjes, për të marrë pronën [e Kevinit] pa dijeninë ose pëlqimin e tij, veçanërisht pasi ky rast u depozitua.”
Dokumentet më tej pretendojnë se nëna e tre fëmijëve pagoi avokaten e saj të divorcit, Susan Wiesner, “me kartën e kreditit të një punonjësi, që përdoret tradicionalisht për tarifat e shtëpisë së familjes Costner dhe paguhet nga [Kevin]”.
Për më tepër, avokatët e Costner pretendojnë se Baumgartner bleu një automjet të shtrenjtë muaj para se të ndaheshin, gjë që ishte e pazakontë për çiftin sepse ata gjithmonë i merrnin me qira makinat e tyre.
Marrëveshja paramartesore e çiftit, e cila u nënshkrua në vitin 2004, thotë se Baumgartner lejohet të marrë me vete automjetin e saj personal në rast të ndarjes.
Ekipi ligjor i Costner pretendon se blerja e makinës është dëshmi se ajo e kishte planifikuar largimin e saj shumë kohë përpara se t’i thoshte Kevin-it, në prill të vitit 2023.
