Dhjetë persona janë arrestuar pas një përleshje fizike që ka ndodhur të premten në Banjë të Malishevës.
Lajmin e ka bërë të ditur Policia e Kosovës në raportin e saj 24-orësh. Gjatë kësaj përleshjeje disa prej personave të përfshirë kanë pësuar lëndime trupore, për çka kanë marrë trajtim mjekësor.
“Janë arrestuar 10 të dyshuar meshkuj kosovarë pasi që të njëjtit pas një mosmarrëveshje janë përleshur fizikisht në mes vete. Si pasojë disa praj tyre kanë pësuar lëndime trupore dhe kanë pranuar tretman mjekësor. Me vendim të prokurorit pas intervistimit të dyshuarit janë dërguar në mbajtje”, thuhet në njoftimin e policisë.
