Një cilindër i madh metalik është gjetur në një plazh në Australinë Perëndimore, ku policia i kërkon publikut që të qëndrojë larg objektit të paidentifikuar dhe potencialisht “të rrezikshëm”, i cili u pikas për herë të parë nga banorët pranë qytetit Green Head të dielën pasdite.
Në videot e publikuara në rrjetet sociale shihet objekti ngjyrë bakri në gjendje të dëmtuar. Mund të jetë pjesë e një objekti më të madh, sepse gjysma e poshtme e tij është shkëputur nga origjina, dhe përveç kësaj, është plot me tela dhe kabllo.
A giant mysterious metal cylinder has left locals stumped after the debris appeared suddenly on the shoreline of WA's Midwest.
The huge metal object was found on a beach near Green Head on Sunday, with local residents reporting the suspicious item to police.
The item is… pic.twitter.com/XzUhAGznna
— 10 News First Perth (@10NewsFirstPER) July 17, 2023
Një objekt cilindrik dy metra i gjatë i mbuluar me predha u gjet në një plazh të largët në veri të Gjirit Jurien, shkruan The Independent .
Policia po bashkëpunon me ushtrinë për identifikimin e objektit dhe hetimit i është bashkuar edhe Agjencia Australiane e Hapësirës, e cila nuk përjashton mundësinë që kjo të jetë pjesë e një rakete të huaj hapësinore.
Ekspertët thonë se objekti mund të jetë pjesë e një sateliti indian të lëshuar në Hënë. Ata dyshojnë për rezervuarin e karburantit të Automjetit Polar Satellite Launch Vehicle (PSLV). Misioni i fundit i PSLV ishte PSLV-55 i cili u nis me sukses në prill të këtij viti.
Ky është objekti i dytë misterioz në formë predhe që gjendet në tre javë – në qershor një u pa duke lundruar në bregdetin në Perth. Forca e Mbrojtjes Australiane duhej të shpërthente pajisjen, e cila u përcaktua se ishte një raketë sinjalizuese detare.
