Në një nga autokampet në zonën e Umag, ka ndodhur një aksident i trishtë që e ka kthyer në të zezë këtë vend përndryshe të qetë dhe tërheqës për turistët. Gjegjësisht, një shtetas belg 48-vjeçar humbi jetën tragjikisht teksa u hodh në det. Sipas raportit të policisë së Istrias, për aksidentin kanë marrë njoftim pasditen e së martës rreth orës 18:20.
“U konstatua se një shtetas belg 48-vjeçar është hedhur në det nga skela dhe ka goditur kokën në shkëmbinj. Burri ka ndërruar jetë nga plagët e rënda pas reanimimit të pasuksesshëm”, njoftoi policia e Istrias.
Ka ndërruar jetë edhe bashkëshortja
Policia ka raportuar edhe një rast tjetër në Kepin e Kamenjakut. Një shtetas i mitur i Belgjikës, mosha e panjohur në momentin e denoncimit, është hedhur nga një shkëmb që ngrihet rreth 15 metra mbi det. Gjatë procesit, ajo ka lënduar shtyllën kurrizore dhe për momentin nuk dihet ashpërsia e lëndimeve të saj.
Policia e Istrias paralajmëron qytetarët dhe turistët që të kenë kujdes kur hidhen në det, gjegjësisht të mos hidhen në ujë me thellësi të panjohur dhe të mos hidhen në det nga shkëmbinj dhe vende të tjera që nuk janë të destinuara për kërcim ose ku kërcimi është i ndaluar.
