Një mesazh i ri për evakuimin e vendbanimeve Lindos, Pefki, Kalatos dhe Archangelos është publikuar të shtunën pak para mesnatës, sipas një përfaqësuesi të zjarrfikësve.
Këto janë zona turistike dhe për këtë arsye është duke u zhvilluar një operacion i madh për të transportuar rreth 1000 deri në 1200 njerëz.
https://twitter.com/112Greece/status/1682856825224298497?ref_src=twsrc%5Etfw%7Ctwcamp%5Etweetembed%7Ctwterm%5E1682856825224298497%7Ctwgr%5E3379e16932e2b77eed350500a95ef93dd4559310%7Ctwcon%5Es1_&ref_url=https%3A%2F%2Fnova.rs%2Fvesti%2Fsvet%2Fpaklena-noc-na-rodosu-naredjene-nove-evakuacije-spas-od-pozara-ceka-do-1-200-ljudi%2F
Sipas shërbimit zjarrfikës, situata në Rodos paraqitet jashtëzakonisht e vështirë, dhe zjarri do të vazhdojë të jetë shqetësues edhe në ditët në vijim.
Krahas evakuimit nga Lindos, Pefki dhe Kalatos, evakuimi nga deti ka nisur edhe në Kiotari dhe Gennadi, ku në dy plazhet janë mbledhur rreth 600 persona, shkruan Prototema.
Ndryshe, një zjarr i madh që ka shpërthyer për të pestën ditë radhazi në ishullin grek të Rodosit ka detyruar autoritetet lokale të lëshojnë një urdhër evakuimi për katër lokacione, duke përfshirë dy resorte bregdetare.
Ditët e mëparshme zjarri është kufizuar në zonat malore në pjesën qendrore të ishullit, por për shkak të erës dhe temperaturave shumë të larta zjarri sot është përhapur drejt bregdetit.
Mediat lokale raportuan se zjarri iu afrua tre hoteleve që tashmë ishin evakuuar.
Zëdhënësi i zjarrfikësve, Janis Artopios, tha sot se banorëve të lokacioneve të planifikuara për evakuim u është dërguar një SMS duke i informuar se ku të kërkojnë strehim.
