Ambasadori i Bosnjës dhe Hercegovinës në Serbi, Aleksandar Vranjesh, ka biseduar në Beograd me drejtorin e Agjencisë për Siguri dhe Informacion (BIA), Aleksandar Vulin, i cili së fundmi ka qenë në listën e zezë amerikane, shkruan Klix .
Vranjesh falënderoi Vulin për “mbështetjen” e tij ndaj studenteve femra të Fakultetit të Kriminologjisë në Sarajevë, të cilat lavdëruan kriminelët e luftës në rrjetet sociale në ditën e gjenocidit në Srebrenicë.
“I jam mirënjohës drejtorit Vulin që i dha Valentina Vujiçiqit dhe Sllađana Todiqit bursa dhe mundësinë për të vazhduar shkollimin në Akademinë për Siguri Kombëtare dhe në këtë mënyrë treguan se Serbia qëndron pas të gjithë serbëve, kudo që jetojnë dhe çfarëdo padrejtësie që vuajnë”, tha. Vranjesh.
Për përkujtim, Valentina Vujiçiq dhe Sllađana Todić morën ftesë nga drejtori i BIA-s, Aleksandar Vulin, për të vazhduar studimet në Akademinë e Sigurisë Kombëtare në Beograd.
Serbia do t’u japë bursë dhe do t’u sigurohet strehim në konvikt.
Komisioni disiplinor për përgjegjësi disiplinore të studentëve në Universitetin e Sarajevës dje u shqiptoi masë disiplinore, duke i përjashtuar nga studimet për tre vjet.
