Kryetari i Odës Ekonomike të Kosovës, Lulzim Rafuna ka marrë çmimin që e vlerëson si lider në përmirësim të ambientit për investime dhe edukim të fuqisë punëtore sipas nevojave të tregut të punës në Ballkanin Perëndimor.
Çmimi iu nda nga kryetari i Odës së Maqedonisë së Veriut, Branko Azeski, i cili çmoi kontributin e Rafunës si udhëheqës i Odave të Ballkanit Perëndimor.
“Është vërtet kënaqësi të shohësh se sa shumë kompani nga Kosova, Maqedonia e Veriut dhe i gjithë Ballkani Perëndimor kanë përfituar nga puna e WB6 CIF. Ky është një inkurajim për CIF të WB6 që të rrisë ambiciet tona për të mbështetur ekonomitë e rajonit dhe për t’i afruar ato me njëra-tjetrën dhe me tregun e BE-së”, ka thënë Rafuna, sipas komunikatës për media të OEK-ut.
Rafuna udhëheq Odat e Ballkanit Perëndimor, ku janë të përfshira 350,000 biznese.
