Senati amerikan e ka miratuar ligjin që zgjeron autoritetin ekzistues të Departamentit të Mbrojtjes në ofrimin e mbështetjes për Kosovën.
Lajmin e ka bërë të ditur ministri i Mbrojtjes, Armend Mehaj, përmes një postimi në rrjetet sociale.
“Lajm i madh! Senati ka miratuar ligjin për të forcuar mbështetjen e Departamentit të Mbrojtjes për Kosovën. Faleminderit senatores Shaheen për përkushtimin e saj për të siguruar këtë dispozitë. Kosovë-ShBA, së bashku më të fortë”, ka shkruar Mehaj në “Twitter”.
Përmes këtij ligji do të rritet ofrimi i mbështetjes për Kosovën në intensifikimin e ushtrimeve të përbashkëta dhe trajnimin e Forcës së Sigurisë së Kosovës si pjesë e stërvitjeve shumëpalëshe, duke kontribuar kësisoj në thellimin e bashkëpunimit në fushën ushtarake me ushtrinë amerikane. /Kosovatimes/
Great news! The Senate has passed the law to strengthen the Department of Defense's support to Kosovo. Thanks to @SenatorShaheen for her dedication to securing this provision.
Cooperation is key to achieving lasting peace.
🇽🇰🤝🇺🇲 #StrongerTogether pic.twitter.com/0AGOZGiK6b
— Armend Mehaj (@armend_mehaj) July 29, 2023
