Edhe sot bashkëatdhetarët tanë të cilët vijnë në Kosovë po përballen me pritje të gjata në vendkalimet kufitare me Serbinë.
Sipas përditësimit të fundit të Qendrës Kombëtare për Menaxhim Kufitar (në orën 08:02), pritjet më të gjata për hyrje në Kosovë janë në vendkalimin kufitar Dheu i Bardhë. Në këtë pikëkalim kufitar bashkëatdhetarët tanë presin deri në tri orë e gjysmë për të hyrë në Kosovë, derisa për dalje rreth 20 minuta.
Situatë më e mirë raportohet në Merdar, ku pritjet për hyrje janë 10 deri në 20 minuta. Ndërkaq në vendkalimet kufitare me vendet e tjera fqinje nuk ka pritje të gjata.
