Lëvizja Rruga Evropiane njoftoi sot se presidenti i saj, Rade Basta, planifikon të vizitojë së shpejti presidentin e Ukrainës, Volodymyr Zelensky, “vendi i të cilit është në luftë pas agresionit katastrofik të Federatës Ruse kundër një vendi fqinj”.
Basta, siç u tha, “është në komunikim të rregullt me miqtë ukrainas dhe i mbështet ata në luftën për të ruajtur vendin dhe për të zvogëluar vuajtjet e popullit ukrainas”.
“Është koha që Serbia të bëhet pjesë e botës së qytetëruar perëndimore dhe të mos i quajë miq ata që po shkatërrojnë Ukrainën dhe popullin ukrainas. Mezi pres të takohem me presidentin Zelenski”, tha Basta në një deklaratë me shkrim.
Lëvizja përkujton se Basta “së fundi u hoq nga pozita e ministrit të Ekonomisë në Qeverinë e Republikës së Serbisë, sepse ai publikisht i bëri thirrje Serbisë që të vendosë sanksione ndaj Federatës Ruse, e cila filloi një luftë të tmerrshme me pasoja të paparashikueshme në tokën evropiane. “
