Lëvizja Vetëvendosjes nëpërmjet një reagimi ka thënë se Komuna e Prishtinës ka dështuar në projektin e mbrojtjes akustike.
Sipas komunikatës së dërguar për media, dega e VV-së në Prishtinë ka deklaruar se arsyeja e dështimit të projektit, sipas tyre, qëndron te neglizhenca e Komunës.
“Ky projekt ka dështuar qysh në fillim të implementimit të tij sepse janë tejkaluar të gjitha afatet ligjore në secilin hap të planifikuar, janë mbi 1,000 biznese ekzistuese, kurse për instalim të matësve kanë aplikuar vetëm 350 prej tyre, në këto 350 biznese të cilat kanë aplikuar për instalim të matësve, nuk kanë përfunduar të gjitha procedurat konform legjislacionit dhe Rregullores në fuqi e që përfshijnë furnizimin me pajisje që tregojnë decibelët dhe qasjen nga bizneset, certifikata”, thuhet në komunikatën e tyre.
Në reagimin e tyre me moto “Zhurmë për qytetarë, gjoba për biznese”, sipas tyre, qytetarët nuk do ta gjejnë qetësinë ndërkaq bizneset do të gjobiten.
