John Gosling, pianisti i grupit të famshëm britanik The Kinks, vdiq në moshën shtatëdhjetë e pesë vjeçare.
Lajmin për vdekjen e kanë bërë të ditur të premten kolegët e tij në profilin zyrtar në Twitter, duke shkruar: “Jemi shumë të pikëlluar nga vdekja e John Gosling”. Ngushëllimet tona të sinqerta për gruan dhe familjen e tij”.
We are deeply saddened by the news of the passing of John Gosling. We are sending our condolences to John's wife and family. (1/4) pic.twitter.com/eFl5n6MQfB
— The Kinks (@TheKinks) August 4, 2023
Grupi The Kinks pushoi së punuari në vitin 1996 dhe Gosling luajti në grup midis viteve 1970 dhe 1978. Ai u shfaq në 10 albume dhe kontribuoi në krijimin e hiteve të shumta, duke përfshirë këngën më të famshme Lola.
The Kinks ishin një grup anglez pop-rock, i themeluar nga vëllezërit Ray dhe Dave Davies në 1964 në periferitë veriore të Londrës, ndërsa në SHBA ata kategorizohen si një nga grupet më me ndikim të Pushtimit Britanik.
