Të shtunën ndodhi një përleshje në lokalin e natës “Bon Vivant” në Prishtinë, që për pasojë vdiq një person, kurse dhjetëra të tjerë u lënduan.
Në media qarkulluan lajme të shumta, video nga momenti i përleshjes dhe në lidhje me këtë ngjarje Këshilli i Mediave të Shkruara të Kosovës u ka bërë thirrje mediumeve që të respektojnë kodin e etikës në këtë rast.
KMSHK-ja ka përmendur se disa media online kanë shkelur Kodin e Etikës duke publikuar të dhënat dhe fotografi të fëmijëve të viktimës.
“KMSHK-ja iu bën thirrje mediave të kenë kujdes dhe t’i përmirësojnë shkeljet e bëra, duke respektuar dinjitetin e viktimës dhe privatësinë e familjarëve të tij”, thuhet në njoftim. /Kosovatimes/
