Ministri i Mbrojtjes Ejup Maqedonci, iu është drejtuar me një letër të hapur zyrtarëve civilë dhe ushtarakë të Ministrisë së Mbrojtjes.
Maqedonci tha se tërë jetën i ka shërbyer vendit.
Ai theksoi se si ministër i ri synim e ka transformimin e FSK-së në forcë me kapacitete të plota ushtarake, të gatshme për të përmbushur misionin e saj vital në tre pika kyçe: mbrojtjen territoriale, pjesëmarrjen në misione ndërkombëtare dhe sigurimin e mbështetjes për agjencitë dhe autoritetet civile.
Shefi politik i Forcës së Sigurisë së Kosovës shtoi se së bashku do të kontribuohet në zhvillimin e Ministrisë së Mbrojtjes dhe FSK-së, duke siguruar kështu sovranitetin dhe mbrojtjen e integritetit territorial të Republikës së Kosovës.
“Jam i ngazëllyer dhe i entuziazmuar të filloj udhëheqjen e këtij institucioni profesional të civilëve, ushtarëve dhe oficerëve, për të punuar së bashku në zgjidhjen e problemeve dhe përmbushjen e objektivave”, tha Maqedonci.
