Lidhja Demokratike e Kosovës (LDK) kërkon dorëheqjen e menjëhershme të ministres së Arsimit Shkencës, Teknologjisë dhe Invacionit (MSHTI), Arbëri Nagavci për shkak të dështimit për sigurimin e librave për nxënësit filloristë. Këtë kërkesë në emër të LDK-së e adresoi në një konferencë për media, nënkryetarja e partisë, Jehona Lushaku-Sadriu e cila qeverinë e konsideron si jo serioze.
Lushaku-Sadriu tha se ky është një rast ilustrativ se si kjo qeveri e trajton fillimin e vitit të ri shkollor si çështje jo serioze.
“Për herë të parë në historinë e Kosovës ndodhë që fëmijët të mbesin pa tekste. Tha se Qeveria e Kosovës ka vendosur t’u a bartë printerëve blerjen e librave për fëmijët e tyre. E gjithë kjo situatë dëshmon papërgjegjësinë e kësaj Qeverie”, deklaroi Lushaku-Sadriu.
Ajo përmendi edhe ligjin në të cilin thuhet se sigurimi i teksteve shkollore për nxënës është e paraparë të ofrohet e sigurohen falas.
