Njësitë e Drejtorisë kryesore të Inteligjencës (GUR) të Ukrainës zbarkuan në Krime të enjten në mëngjes, tha Andriy Yusov, përfaqësuesi zyrtar i agjencisë , për Hromadske .
Sipas tij, operacioni special u zhvillua në Kepin Tarkhankut dhe të gjitha detyrat u kryen.
Sipas Shot , bëhet fjalë për katër varka me ushtrinë ukrainase, të cilat hapën zjarr në pikën më perëndimore të Krimesë, ngjitur me kampingun e fshatit Olenevka.
Burimi i Shot-it pohon se skafet me diversantë janë shkatërruar, si dhe janë likuiduar gjithsej 15-20 persona. Sipas Yusov, nuk ka pasur viktima në mesin e personelit të Drejtorisë kryesore të Inteligjencës të Ukrainës.
Beteja u zhvillua nga ora 5 deri në 6 të mëngjesit të 24 gushtit pranë fshatit Mayak, ku ndodhet baza e regjimentit të 3-të radioteknik si pjesë e trupave radio-teknike të Forcave Ajrore të Federatës Ruse, sipas burimeve të inteligjencës ukrainase. i tha Krym.Realii .
Sipas tyre, në betejë kanë marrë pjesë varka dhe avionë. Në Kepin Tarkhankut ka një njësi radari të ushtrisë ruse me radarin Nebo-M dhe radarin Kasta-2E2. Sipas Shotit, në zonë është futur plani “Fortesa”.
