Fotografi i Radios Evropa e Lirë, Serhii Nuzhnenko, shoqëroi një njësi ukrainase gjatë një sulmi ndaj pozicioneve ruse pranë Bahmutit në maj, me ç’rast u vra një ushtar. Tre muaj më vonë, ai ndan fotografitë dhe kujtimet e familjes së ushtarit të rënë Ivan Minuhaliyev.
Ushtari 36-vjeçar ukrainas po merrte pjesë në një sulm ndaj pozicioneve ruse më 11 maj, kur u godit për vdekje nga një copë predhe.
Nuzhnenko ka komunikuar edhe me të afërmit e tij, të cilët kanë ndarë pamjet e mëposhtme nga jeta e ushtarit të rënë dhe kanë pranuar që Radios Evropa e Lirë t’i publikojë ato këtu.
Në një postim në Facebook, një i afërm kujtoi: “Ivani ishte një njeri i lumtur dhe i mirë. Sa do të doja që ai të kishte mbetur kushëriri im më i vogël, i gjallë dhe i gëzuar”.
Në errësirën para agimit të 11 majit, ndërsa ushtarët përgatiteshin për sulmin që do të vriste Minuhaliyevin, fotografi Nuzhnenko tha se nuk e vuri re ushtarin.
Nuzhnenko thotë se Minuhaliyevi ishte rreth 300 metra larg pozicionit të tij kur u godit nga predha.
![Një fotografi nga arkivi e vitit 2022 e një varreze në Irpin. "Unë nuk e njihja Ivanin", tha Nuzhnenko, "por në përgjithësi, ishte e trishtueshme, siç është çdo vdekje që sjell [pushtimi rus]". ](https://gdb.rferl.org/01000000-0aff-0242-61a3-08dbaa075854_w1023_s.jpg)
“Unë nuk e njihja Ivanin”, tha Nuzhnenko, “por në përgjithësi, ishte e trishtueshme, siç është çdo vdekje që sjell [pushtimi rus]”.
