Afërdita Mula-Zhubi, e cila ka bërë një postim në Facebook duke thënë se është punëtore në QKMF Gjakovë, shprehet se me datë 06.09 2023, në ora 05 :45 të mëngjesit është sulmuar për herë të dytë nga kafshimi i qenve endacakë sa ishte duke shkuar në punë, në lagjen Parku i Lirisë.
“Ju lutem organeve kompetente, Komunës së Gjakovës që të merrni masa ndaj qenve endacakë në mënyrë që të lëvizi lirshëm drejt vendit të punës”, ka shkruar Mula-Zhubi në Facebook, ku ka postuar edhe disa fotografi nga plagët e marra nga sulmi në fjalë.
