Një shpërthim i fuqishëm tronditi fabrikën Kremnij El në Bryansk, në Rusinë perëndimore, njoftuan mediat lokale.
Guvernatori i rajonit Bryansk, Aleksander Bogomaz , konfirmoi sulmin me dron kamikaze në një “uzinë industriale në Bryansk”.
Sipas guvernatorit, ndërtesa administrative e fabrikës ka marrë flakë dhe nuk ka viktima. Zjarrfikësit dhe shërbimet e urgjencës janë në vendngjarje, tha Bogomaz.
Ministria ruse e Mbrojtjes pretendon se mbrojtja ajrore ruse “kapi dy drone mbi Bryansk, njëri prej të cilëve u shkatërrua në ajër”.
Kremnjy El është një nga fabrikat më të mëdha të mikroelektronikës në Rusi dhe pjesët e nevojshme për prodhimin e Iskander prodhohen atje.
