Përfaqësuesi i Lartë në Bosnje dhe Hercegovinë, Kristijan Šmit tha se do të udhëtojë në Republika Srpska javën e ardhshme dhe i tha Presidentit të Republikës Srpska Milorad Dodik që “të përgatitet për disa momente të pakëndshme”.
“Unë në fakt kam takime atje në ditët dhe javët e ardhshme, veçanërisht në Banja Luke, por edhe në qytete të tjera. Unë i qëndroj asaj – dhe i rekomandoj zotit Dodik që të mos e shtyjë më marrëzinë e tij egoiste”, tha ai, transmeton N1.
Nuk mendon se do të arrestohem, siç ka bërë të ditur Dodik.
“Unë jam i mbrojtur nga Konventa Diplomatike e Vjenës dhe prandaj gëzoj imunitet. Edhe kështu, Dodik nuk do të kishte autoritetin të më arrestonte apo të urdhëronte arrestimin tim, sepse ai nuk ka autoritet të japë urdhra në polici. Prokuroria duhet ta sqarojë fillimisht këtë. Dodik tashmë është përpjekur të më kallëzojë në Republika Srpska, dhe Prokuroria e zgjuar e Banja Lukës, si masë parandaluese, menjëherë ia ka përcjellë këtë procedurë Prokurorisë Publike Shtetërore në Sarajevë, nga e cila nuk kam dëgjuar asgjë tjetër. E fundit, por jo më pak e rëndësishme, sjellja e Dodik është një shuplakë për BE-në, e cila po përpiqet të përmirësojë sundimin e ligjit në Bosnje. Ai mashtrohet nëse mendon se ka të drejta të veçanta ose rregullore të veçanta për të. Kështu që zoti Dodik duhet të përgatitet për disa momente mjaft të vështira.” U përgjigj Schmidt.
