Qytetarëve mbi moshën 65 vjet nuk iu ofrohet sigurimi shëndetësor vullnetar nga asnjëra nga kompanitë e sigurimit në Kosovë.
Kërkesat e tyre refuzohen, duke mos i trajtuar barabartë të gjithë qytetarët.
Me këtë veprim po kryhet akt i diskriminimit të drejtpërdrejtë në bazë të karakteristikave personale-moshës.
Po ashtu është duke u shkelur Kushtetuta e Kosovës dhe Ligji për Mbrojtjen nga Diskriminimi.
Rregullimi i kësaj çështje është lënë në dorën e siguruesit.
Për trajtim jo të barabartë të kësaj moshe ka shkuar një ankesë edhe tek Avokati i Popullit, i cili pas hetimit mbi dy vjet i ka kthyer përgjigje ankuesit.
Nga Banka Qendrore e Kosovës, janë arsyetuar se kjo çështje rregullohet me udhëzime të brendshme ku siguruesi vlerëson rrezikun, duke e përcaktuar lartësinë e premive.
Avokati i Popullit ka nxjerrë konkluzion se çdo shërbim i ofruar nga kompanitë e sigurimit duhet të jetë në dispozicion të të gjithë qytetarëve në kushte përkatëse, pavarësisht nga mosha e siguruesit.
Avokati i Popullit, konstaton se kompanitë e sigurimeve me praktikën që apriori t’ua refuzojnë sigurimin shëndetësor vullnetar personave mbi 65 vjet po kryejnë akt të diskriminimit të drejtpërdrejtë në bazë të karakteristikave persone-moshës, me çka janë duke shkelur Kushtetutën e Kosovës dhe Ligjin për Mbrojtjen nga Diskriminimi.
Avokati i Popullit rekomandon që BQK-ja të harmonizoi kushtet e ofrimit vullnetar të sigurimit shëndetësor për të gjithë qytetarët. /B.T/
