Kur nusja e tij hyri në shtëpinë e familjes së tij, e veshur në fustan të bardhë dhe duke mbajtur një buqetë me lule të bardha në dorën e djathtë, Ivan Soroka nuk qe në gjendje ta shihte.
Por, teksa Vladyslava Ryabets po afrohej, Soroka qau nga gëzimi për mundësinë për ta filluar një kapitull të ri në jetë.
Më 2 gusht 2022, Soroka, 27 vjeç, u verbua nga një sulm rus me mortajë. Me gjithë verbërinë e tij, çifti është zotuar për të vazhduar me jetën.
Ata u takuan online më 6 prill, rreth tre muaj pas pushtimit të Ukrainës nga Rusia. Soroka ishte duke e marrë veten nga pneumonia në një spital ushtarak kur u kyç në një aplikacion për takime dashurie dhe e pa fotografinë e profilit të Ryabetsit. “Përshëndetje”, i shkroi ai asaj.
Ryabets kujton sesi burri i saj ishte ambicioz dhe i nxitur derisa ajo po punonte me fëmijë autikë në një klinikë. “Ju jeni e imja tani,” i tha ai asaj pas disa javëve bisedash. Ajo iu përgjigj me shaka duke ia dërguar madhësinë e unazës së gishtit.
Vetëm gjashtë javë pasi u takuan online, ata pinë kafe së bashku gjatë njërit prej pushimeve të shkurtra të Sorokës nga fronti. “Pra, ku është unaza ime?” pyeti Ryabets, përsëri me shaka. “Është mu këtu”, iu përgjigj Soroka, teksa e nxori unazën shndëritëse të fejesës.
“Gjëja e parë që e thashë pasi u plagosa ishte ‘kush do të më dojë mua tani?'”
Ryabets e vizitoi atë çdo javë derisa ai u lirua nga spitali para gati një viti. Ata shpresonin e sytë e tij do të shëroheshin dhe se do t’i kthehej shikimi. Nuk ndodhi kurrë, por vendimi i Ryabetsit nuk ndryshoi kurrë. “Asgjë nuk ndryshoi për mua”, tha ajo.
Me gjithë verbërinë e tij, Soroka dhe Ryabets janë të vendosur të ecin përpara. Ai shpreson të gjejë punë, dhe mbi të gjitha, dëshiron ta nisë një familje.
Në përputhje me traditën, pasi të dy familjeve po ua merrte fëmijët martesa, të dy nënat veshën rroba tradicionale ukrainase.
Veterani i ushtrisë sovjetike tha më vonë se ai ka mundur të regjistrohej në ushtri në vend të të birit. “E fajësoj veten”, tha ai duke iu dridhur zëri.
