Superliga e Kosovës në futboll, këtë vikend rikthehet me ndeshjet e javës së gjashtë.
Kjo fundjave nis të shtunën pasdite, ku do të përballen Dukagjini dhe Fushë Kosova.
Duele të zjarrta do të luhen të dielën pasdite, ku kryederbi luhet mes dy rivalëve të vjetër, Dritës dhe Prishtinës, sfidë kjo që luhet në Gjilan.
Përballja mes gjilanasve dhe prishtinasve si çdo herë pritet të sjellë ndeshje dramatike jo vetëm për shkak të rivalitetit që ekziston prej vitesh mes këtyre dy skuadrave, por edhe për rëndësinë e pikëve nga ky ballafaqim.
Kampioni i Kosovës, Ballkani para tifozëve të tyre pret Malishevën, derisa joshëse pritet të jetë edhe dueli mes Llapit dhe Gjilanit, kurse, Liria i bën ‘konak’ Feronikelit ’74.
Superliga /Java e Gjashtë
Të shtunën takohen:
Dukagjini-Fushë Kosova
Të dielën takohen:
Llapi-Gjilani
Ballkani-Malisheva
Liria-Feronikeli ‘74
Drita-Prishtina
Të gjitha ndeshjet fillojnë në orën 15:00.
