Kosova dhe Izraeli po thellojnë bashkëpuninin në shumë fusha. Nga tani përveç ambasadores që Kosova ka atje, nga tani ka edhe konsull nderi.
Konsulli i Parë Nderi i Republikës së Kosovës në Shtetin e Izraelit është Roy Roznek.
“Faleminderit qeverisë së Kosovës dhe ministrit të Jashtëm që më emëruan në këtë post të rëndësishëm. Faleminderit Ministrisë së Jashtme të Izraelit dhe stafit të mrekullueshëm të Departamentit të Ceremonisë dhe Protokollit. Falë partneritetit të dy ambasadorsve të mrekullueshme Ambasadorja e Kosovës në Izrael dhe ambasadorja e Izraelit në Kosovë”, ka shkruar ai në “Facebook”.
Sipas tij vazhdimi i punës me shumë detyra shkon në favor të shtrëngimit të lidhjeve midis dy vendeve.
Ndryshe Konsulli i Nderit është një funksionar konsullor nderi dhe emërimi i tyre bëhet me vendim të Ministrit të Punëve të Jashtme.
Konsulli i Nderit është përfaqësues zyrtar i një shteti në territorin e një shteti tjetër, që vepron për të ndihmuar dhe mbrojtur qytetarët e vendit dërgues dhe për të lehtësuar shkëmbimet në fusha të ndryshme.
Kosova dhe Izraeli kishin vendosur marrëdhënie diplomatike menjëherë pas nënshkrimit të marrëveshjes për normalizim ekonomik në Shtëpi të Bardhë më 4 shtator 2020.
Pas kësaj, Kosova ka hapur dhe vendosur ambasadën në Jerusalem. /Kosovatimes/
