I dërguari i BE-së për dialogun Kosovë-Serbi, Miroslav Lajçak, është takuar me presidentin e Shqipërisë, Bajram Begaj, në Nju Jork, ku po mbahet Asambleja e Përgjithshme e OKB-së.
Ai, në një postim në rrjetin X (ish-Twitter), bëri të ditur temat që ka trajtuar me presidentin Begaj, me theks të veçantë, dialogu mes Kosovës dhe Serbisë.
Lajçak vlerësoi qëndrimet e presidentit Begaj lidhur me procesin e dialogut me qëllim normalizimin e marrëdhënieve.
“Jam shumë i kënaqur që takohem me Presidentin e Shqipërisë, Bajram Begaj. Vlerësoj qëndrimet e tij për rajonin, dialogun për normalizimin e marrëdhënieve mes Kosovës dhe Serbisë dhe atë që do të ndodhë për integrimin e rajonit. Presim me padurim të vazhdojmë diskutimin tonë”, ka shkruar Lajçak në rrjetin social X (ish-Twitter). /Kosovatimes/
