Policia ka marrë njoftimin për të shtënat pak para orës 9 të mëngjesit të sotëm. Me të mbërritur në vendngjarje, ata gjetën një burrë me një armë dhe i kërkuan vazhdimisht që ta ulte.Të shtëna me armë ka pasur në Drazhenci afër Ptuj në Slloveni. Një burrë nga shtëpia e familjes qëllon edhe mbi policinë, e cila ndërkohë ka rrethuar shtëpinë. Situata e tensionuar zgjat me orë të tëra.
Policia ka marrë njoftimin për të shtënat pak para orës 9 të mëngjesit të sotëm. Me të mbërritur në vendngjarje, ata gjetën një burrë me një armë dhe i kërkuan vazhdimisht që ta ulte.
Ai nuk pranoi ta bënte këtë dhe filloi të qëllonte ndaj policisë nga ballkoni.
Sipas slloven 24ur, burri qëlloi disa të shtëna nga ballkoni. Sipas informacioneve të deritanishme nuk ka persona të lënduar, raporton Index .
Në vendngjarje me helikopter kanë mbërritur pjesëtarët e Njësisë Speciale të Policisë dhe një negociator policor, operacioni po vijon. Sipas informacioneve fillestare nuk ka të lënduar, ndërsa policia apelon qytetarët që të mos afrohen në vendin e ngjarjes, transmeton portali slloven.
“Burri doli disa herë në ballkon nga i cili qëlloi disa të shtëna në orën 9:48 të mëngjesit. Ai gjithashtu kishte në shënjestër policët”, tha zëdhënësja e Departamentit të Policisë së Mariborit, Anita Kovačič Čelofiga.
I pyetur nëse janë të sakta postimet në rrjetet sociale se njeriu në shtëpi mban peng, Kovaçiq Çelofiga është përgjigjur se policia ka vendosur kontakte me një person dhe se nuk ka informacione se dikush tjetër është me burrin në shtëpi.
Ajo gjithashtu nuk mundi të komentonte informacionet nëse policia po përgatitej të hynte në shtëpi.
Vendasit i thanë televizionit publik slloven se i dyshuari kishte me vete shumë armë.
