By using this site, you agree to the Privacy Policy and Terms of Use.
Accept
Kosova TimesKosova Times
Notification Show More
Latest News
Marine Le Pen i është revokuar mandati parlamentar
June 4, 2025
SKENA TË PABESUESHME NË PARLAMENTIN BULLGAR: Shpërthen një sherr për euron (VIDEO)
June 4, 2025
Shefi i Këshillit të Sigurisë së Rusisë, Shoigu, takohet me udhëheqësin e Koresë së Veriut në Phenian
June 4, 2025
Çfarë duhet të dini për Haxhin e këtij viti: Temperatura të larta, ndalim hyrjeje për fëmijë dhe kufizime për “përsëritësit”
June 4, 2025
Video e pabesueshme nga Gaza: Një foshnjë nxirret e gjallë nga rrënojat e një ndërtese të shkatërruar nga një sulm izraelit
June 4, 2025
Aa
  • Ballina
  • Politikë
    • Lajme
    • Tema
    • Gjeopolitikë
    • Opinion
  • Rajon / Botë
  • Ekonomi
    • Lajme
    • Tema
    • Financa
    • Turizëm
    • Bujqësi
  • Kulturë
    • Lajme
    • ShowBiz
    • Moda
  • Shëndetësi
  • Sport
  • Hi-tech
    • Teknologji
    • Shkencë
Reading: Incidenti që la pasigurinë prapa
Share
Aa
Kosova TimesKosova Times
Search
  • Home
    • Home News
    • Home 2
    • Home 3
    • Home 4
    • Home 5
  • Categories
  • Bookmarks
    • Customize Interests
    • My Bookmarks
  • More Foxiz
    • Blog Index
    • Sitemap
Have an existing account? Sign In
Follow US
Kosova Times > Blog > Politikë > Lajme > Incidenti që la pasigurinë prapa
Ballina 1Lajme

Incidenti që la pasigurinë prapa

Kosova Times
Last updated: 2023/09/28 at 12:17 PM
Kosova Times Published September 28, 2023
Share
SHARE

“E tmerrshme”, “nuk është dashur të ndodhë”, “jetë të humbura kot”, “e trishtueshme”, “nuk dimë pse ndodhi”, “mbetet e fshehtë”, “dimë aq sa kemi dëgjuar nga mediat”.

Kështu u shprehën disa qytetarë serbë të Kosovës për sulmin e armatosur në Banjskë të Zveçanit.

Rreshteri i policisë së Kosovës, Afrim Bunjaku, mbeti i vrarë më 24 shtator, kur grupe të armatosura sulmuan patrullën policore në zonën e banuar me shumicë serbe.

Nga përleshjet që pasuan, u vranë edhe tre sulmues.

Autoritetet e Kosovësbënë përgjegjëse Serbinë për “agresionin”, ndërsa në Serbi drejtuan gishtin kah serbët në Kosovë.

Shumë qytetarë me të cilët bisedoi Radio Evropa e Lirë, reaguan me huti, shqetësim, por edhe mungesë dëshire për të folur.

Vetëm pak prej tyre pranuan të prezantoheshin.

Të gjithë thanë se gjithçka që dinë për incidentin në Banjskë, e kanë mësuar nga mediat kosovare dhe serbe.

https://youtu.be/2f4o2vaXj6A

“Nuk është dashur të arrihet në këtë pikë”

Markoja nga Zveçani – komunë e banuar me shumicë serbe në veri të Kosovës – tha se nga mediat kuptoi fillimisht se “një grup njerëzish qëlloi dhe vrau një polic shqiptar” dhe se, më pas, “policia u përgjigj ashpër”.

Ai tha se i vjen keq për vrasjen e policit të Kosovës.

“Mendoj se situata nuk është dashur të arrijë deri në këtë pikë. Ka mundur të jetë edhe serb [polici i vrarë]… Më vjen keq edhe për shqiptarin, por edhe për tre serbët [sulmuesit e vrarë]. Secili nga ta ka nga tre fëmijë”, u shpreh Markoja.

Sipas tij, sulmuesit e vrarë “humbën jetën kot”, për shkak të politikave “të gabuara që përplasin popujt”, e “jo politikave që i pajtojnë ata”.

Millica nga Mitrovica e Veriut tha se njerëzit e zakonshëm ishin në pritje të uljes së tensioneve veri. Por, këto pritje u shuan sipas saj, pas incidentit në Banjskë.

“Kur ndërpritet një jetë, është krejtësisht e parëndësishme se pse dhe si shkoi deri aty. Ai njeri kishte familjen e tij, njëjtë sikurse këta djemtë e palës tjetër, të cilët pësuan. Humbja e jetës është gjithmonë tragjedi”, tha Millica.

Sipas saj, askush nga qytetarët “nuk e di saktë se përse ndodhi” incidenti në Banjskë.

“Tragjike për të gjithë”

Në Graçanicë, komunë e banuar me shumicë serbe në afërsi të Prishtinës, situata dukej e qetë paraditen e së mërkurës. Por, pakkush donte të fliste për zhvillimet e 24 shtatorit në Banjskë.

“Jo, nuk më intereson dhe nuk dua të them asgjë më shumë” – ishte reagimi i një qytetareje sapo dëgjoi pyetjen e Radios Evropa e Lirë në lidhje me incidentin.

“Nuk i besoj askujt”, tha një bashkëqytetar i saj.

Pamje nga Graçanica më 27 shtator 2023.
Pamje nga Graçanica më 27 shtator 2023.

Marta Saviq tha se ka kuptuar shumë pak nga incidenti në Banjskë.

“Nuk jam e informuar fare. Kam dëgjuar diçka shkurtimisht në rrugë, nga të tjerët. Qytetarët janë të tensionuar. Të gjithë janë të tensionuar”, tha ajo.

Vlladimir Petkoviq tha se incidenti në Banjskë ka shumë paqartësi, por se pasojat e tij tragjike dihen.

“Të gjithë jemi duke u çuditur. Ajo që ka ndodhur është e trishtueshme. Kanë humbur jetë. Nuk dëshiroj që rrëfimin ta kthej kah cilado palë. Kjo është tragjike për të gjithë ne si njerëz, për serbët dhe për shqiptarët. Ka humbur jetën polici i Kosovës, por edhe ata të rinj”, tha Petkoviq, duke iu referuar tre sulmuesve të vrarë në përleshjet me policinë kosovare.

Graçanicë, 27 shtator 2023.
Graçanicë, 27 shtator 2023.

Ai tha se shpreson se Kosova dhe Serbia do t’i qasen dialogut për normalizimin e marrëdhënieve dhe se incidentet e tilla nuk do të përhapen.

“Por, kush mund të na garantojë këtë me plot siguri?”, u shpreh ai.

“Ne gjithmonë kemi jetuar dhe do të jetojmë bashkë, por kjo është një ngjarje politike. Ajo çfarë njerëzit mendojnë këtu, është se shërbimet speciale të Kosovës zbuluan se ku fshihet [Millan] Radoiçiq dhe nisën aksionin për ta arrestuar. Por, ai e kishte sigurimin e tij dhe nisën të qëllonin mbi njëri-tjetrin. Fatkeqësisht, aty pësuan njerëzit dhe kjo është tragjedia më e madhe. Pësuan njerëzit dhe nuk ka rëndësi nacionaliteti i tyre”, u shpreh një tjetër qytetar i Graçanicës, që deshi të mbetej anonim.

Millan Radoiçiq, nënkryetar i Listës Serbe, partisë më të madhe të serbëve të Kosovës, është etiketuar nga autoritetet kosovare si “organizator” dhe “pjesëmarrës” në sulmin në Banjskë.

Radoiçiq është në listën e zezë të SHBA-së për shkak të dyshimeve për përfshirje në korrupsion dhe krim ndërkombëtar.

Në Kosovë kërkohet për rastin e njohur si Brezovica, i cili ka të bëjë me disa ndërtime pa leje.

Dragani nga Graçanica tha se ndërlidhja e emrit të tij me incidentin në Banjskë, si dhe vetë incidenti kanë ngjallur tensione dhe frikë në mesin e njerëzve.

“Ja pra… situatë e pasigurt… Del në rrugë dhe dikush mund të të vrasë, qofsh polic apo jo”, tha ai.

Nga lajmet, ai tha se ka marrë vesh se pjesëtarët në grupin e armatosur, ishin “shumë të rinj në moshë”.

“Dikush i ka shtyrë ata. Ata e bënë këtë nën ndikimin e dikujt”, tha Dragani, por duke mos specifikuar se në kë mendon.

Sulmi ndaj policisë së Kosovës në Banjskë u dënua fuqishëm nga Shtetet e Bashkuara të Amerikës dhe Bashkimi Evropian.​

Tensionet në këtë zonë ishin të larta prej kohësh.

Më 29 maj, në Zveçan, pjesëtarët e misionit të NATO-s në Kosovë, KFOR, u sulmuan nga protestues të dhunshëm serbë që kundërshtonin vendosjen e kryetarëve shqiptarë në objektet e komunave në veri.

Në fund të vitit të kaluar, grupe serbësh në veri ngritën edhe barrikada në rrugë, për të kundërshtuar një vendim të Qeverisë së Kosovës për riregjistrimin e makinave me targa ilegale serbe.

Në veri jetojnë rreth 50.000 serbë, të cilët që nga paslufta, më 1999, nuk u binden vendimeve të institucioneve të Kosovës.

You Might Also Like

Bogujevci: Sulmet politike po shfrytëzojnë dhimbjen e familjes time

Organizatat kërkojnë dinjitet për viktimat e luftës në Kosovë

Gjykata Supreme: Faturat e mbeturinave paguhen te KRM `Pastrimi`

Kurti viziton punimet në rrugën `Hamdi Kurteshi` në Gjilan

Osmani diskuton me ambasadorët për moskonstituimin e Kuvendit

Kosova Times September 28, 2023
Share this Article
Facebook Twitter Email Print
Leave a comment

Leave a Reply

Your email address will not be published. Required fields are marked *

Follow US

Find US on Social Medias
Facebook Like
Twitter Follow
Youtube Subscribe
Telegram Follow

Weekly Newsletter

Subscribe to our newsletter to get our newest articles instantly!

[mc4wp_form]
Popular News
Lajme

Zëvendësdrejtori i policisë: Jemi në koordinim me KFOR-in

Kosova Times Kosova Times September 24, 2023
David Domgjoni transferohet në Kazakistan
Aksident i rëndë në Itali/ Humb jetën 50-vjeçari shqiptar
Zyrtare: Bekim Balaj tërhiqet nga Kombëtarja shqiptare
Mungesë punëtorësh: Gratë ukrainase gjejnë punë të reja
- Advertisement -
Ad imageAd image
Global Coronavirus Cases

Confirmed

0

Death

0

More Information:Covid-19 Statistics

Kategoritë

  • Politikë
  • Rajon / Botë
  • Ekonomi
  • Kulturë
  • Shëndetësi
  • Sport
  • Hi - tech

About US

Kosova Times We influence 20 million users and is the number one business and technology news network on the planet.

Subscribe US

Subscribe to our newsletter to get our newest articles instantly!

[mc4wp_form]

© Kosova Times. All Rights Reserved.

Removed from reading list

Undo
Welcome Back!

Sign in to your account

Lost your password?