Menjëherë pasi Shtetet e Bashkuara të Amerikës (SHBA) i bënë thirrje Serbisë që t’i tërheqë trupat e saj rreth kufirit me Kosovën, ka reaguar presidentja Vjosa Osmani, e cila thotë se Shtetet e Bashkuara gjithmonë qëndrojnë pranë Kosovës dhe popullit të saj.
“Unë e mirëpres deklaratën e qartë të administratës Biden, duke thirrur veprimet tejet destabilizuese të Serbisë kundër Kosovës. Thirrje për përgjegjësi për ata që planifikuan dhe kryen sulmin kundër policisë së Kosovës”, ka shkruar ajo.
“Armët e fshehura në veri të Kosovës paraqesin rrezik të konsiderueshëm si për Policinë e Kosovës ashtu edhe për trupat e NATO-s në Kosovë. ShBA-ja po punon me aleatët e NATO-s për të adresuar përpjekjet për të destabilizuar Kosovën dhe për të minuar sigurinë e të gjithë qytetarëve të saj”, ka deklaruar Osmani.
Më tej, e para e shtetit tha se Kosova mbetet e përkushtuar për të punuar ngushtë me ShBa-në dhe aleatët e tjerë të NATO-s për të adresuar sfidat e sigurisë.
