Është nderuar rreshteri i Policisë së Kosovës, heroi Afrim Bunjaku në Ambasadën e Kosovës në Shtetet e Bashkuara të Amerikës. Në ceremoninë përkujtimore të heroit i cili u vra nga grupet terroriste serbe ishte i pranishëm edhe ambasadori William Walker.
“Bashkatdhetarët tanë kanë nderuar veprën heroike të Rreshterit Bunjaku, i cili dha jetën në mbrojtje të ligjit, rendit, integritetit territorial dhe sovranitetit të Republikës së Kosovës”, thuhet në njoftimin e ambasadës.
Në nderim të Heroit Afrim Bunjaku, Ambasadën e Kosovës e ka vizituar edhe Shefi i Shtabit të Përgjithshëm të Ushtrisë së Shqipërisë, Gjeneral Major Arben Kingji dhe Ambasadori i Shqipërisë në SHBA, Ervin Bushati.
https://www.facebook.com/KosovoinUS/posts/696460865847818?ref=embed_post
